سعر تكلفه التقديم ع خط ارضي جديد والتعاقد ع نت عشان ميضحكش عليك
كيفيه التقديم على خط ارضي جديد ؟
بص يا سيدي هتروح اقرب فرع لشركه WE عندك اقرب مكان لبيتك مترحش بقي سنترال ولا اي حاجة ، وخد معاك بطاقتك أو بطاقه ولدك و عقد ايجار هتشتري من اي مكتبه و أقرب خط ارضي ليك ياعني شوف حد معاك في العماره مركب خط ارضي وهات رقم الخط الأراضي بتاعو منو تمام ،هتخش الفرع هتقولهم لو سمحت عايز اقدم ع خط ارضي جديد تمام، هتروح هيعملك طلب تقديم ع خط ارضي جديد وانت واقف بالبطاقه بتاعتك و هياخد منك عقد الإيجار واقرب رقم خط ارضي ليك ،انا هقولك تعمل اي خطوه ب خطوه امشي معايا بس وركز في الكلام، قولو عايز اقدم ع خط ارضي بس ويكون معمول عليه باقه (20 ارضي We) هيروح عملك طلب تقديم ع خط ارضي وهيقولك تمام يافندم كده اتعملك طلب التقديم ع خط ارضي ورقمك اتحجز وهيقولك هتيجي بكره تعمل تأكيد طلب هتروح تاني يوم وهتدفع 186.75 وهيقولك تمام يا فندم والفني هيجيلك اليوم اللي بعدو هيركب الخط الأراضي عندك وهيشتغل تمام كده انت لحد دلوقتي دفعت 186.75 تمام
سعر تكلفه شراء خط ارضي جديد ؟
سعر شراء خط ارضي 186.75 جنيه شامل الضريبه ال 186.75 دول ب تمن الطلب اللي انت عملتو + تمن التركيب مش هتدفع اي حاجة تاني،و ال 186.75 دول ده كده الخط الأراضي الجديد بتاعك مدفوع عليه اشتراك اول تلت تشهر ياعني لما الخط يتركب اول تلت تشهر مش هتدفع حاجة بس وكل تلت تشهر هتدفع 60 جنيه فقط للخط الأرضي عشان كده بقولك قولو الخط الأراضي يكون ع نظام (20 ارضي We)
خطوات التقديم علي نت علي الخط الأراضي الجديد ؟
انا شرحتلك فوق كل حاجة وصلنا لحد الخط الأراضي الجديد اتركب عندك و الفني ركبلك الارضي بص بقي وركز في الكلام ، هتروح تاني يوم فرع We وقولو عايز اقدم ع خدمه الانترنت ع الخط الأراضي ده اللي هو الخط الأراضي الجديد اللي انت ختو وقولو عايز اعمل باقه (We space 140) دي سعرها 137 جنيه شامل الضريبه وخلي بالك من دي كويس عشان لما هتروح هو هيكون عايز يعملك اغلي باقه عندو ف انت لازم تقولو عايز اعمل الباقه دي اللي هي (We space 140) هيقولك في خطوط We هديه ومجانا وبتاع اوعي تاخد اي خط لأن هتاخد منو خط واحد هيحسابك عليه وهو مش مجانا ولا حاجة وسعر الخط الواحد 81.23 جنيه وانصحك ماتدخش اي خطوط من we تمام هيعملك خدمه الانترنت علي الخط الأراضي الجديد وهيديك ورق يثبت أن تم تفعيل خدمه الانترنت ع الخط الأراضي الجديد بتاعك
سعر تكلفه تركيب خط ارضي جديد وتفعيل عليه خدمه الانترنت المنزلي ؟
كده يا سيدي انت دفعت 186.75 ثمن الخط الأراضي الجديد وفعلت عليه خدمه الانترنت المنزلي اللي هي باقه We space 140 ثمنها 137 و كده إجمالي الخط الأراضي بتفعيل خدمه الانترنت 323.75 بظبط
التقديم علي راوتر :
بص حضرتك لو عندك راوتر قديم بعد ما تعمل اللي قولتلك عليه فوق هتكلم خدمه العملاء رقمهم 111 وهتقولو انك دفعت النت والرواتر مش شغال وهو هيشغلهولك ع طول
، لكن لو حضرتك معندكش راوتر هتروح فرع We الرئيسي وتشتري راوتر جديد
اسعار راوتر we الجديد 2022
 |
- سعر راوتر we ارضي ZTE موديل ZXHN-H560N حاليا بـ 181 جنيه |
-سعر راوتر we ارضي هواوي موديل VDSL HG630 حاليا بـ 400 جنيه
-سعر راوتر we ارضي ZTE موديل ZXHN H168N حاليا بـ 400 جنيه
تعليقات
إرسال تعليق
اكتب تعليقك اذا كان لديك اي تساىْل عن الموضوع وسنجيبك فور مشاهدة تعليقك